LAOAG CITY – Kinondenar ni United Nations Secretary-General Antonio Guterres ti pannakatay ti staff member-da iti Rafah City idiay Gaza.
Inbatadna a nasken a dagiti humanitarian workers ket maprotektaran kankanayon.
Immapela pay ti madagdagus nga humanitarian ceasefire ken ti pannakawayawaya dagiti hostage.
Reaksion daytoy ni Guterres kalpasan a tinamaan ti Israeli forces ti lugan ti United Nations iti Rafah a nakatayan ti miembro ti Department of Safety and Security ti United Nations ken nakasugatan ti maysa pay nga indibidual.
Naammoan a daytoy ti umuna a gundaway nga adda ti natay kadagiti staff-da sipod nangrugi ti rinnupak idi Oktubre.
