LAOAG CITY – Dinutokan manen ni Presidente Ferdinand Marcos Jr. ni Undersecretary Claire Dennis Mapa iti maikadua a terminona kas National Statistician ken civil registrar general ti Philippine Statistics Authority (PSA).
Idi laeng kalman ket indauluan ni National Economic and Development Authority Sec. Arsenio Balisacan ti panagsapata ni Undersecretary Mapa.
Maipalagip a sakbay a nadutokan iti posision idi 2019 ni Mapa ket nagserbi iti lima a termino kas dean ken propesor ti estadistika iti School of Statistics iti University of the Philippines.
Naamammu pay isuna kadagiti napateg a puesto kadagiti nagduduma nga organisasion ken proyekto a pakairamanan ti UP Statistical Center Research Foundation, Inc., Governing Board ti Philippine Statistical Research and Training Institute, Philippine Statistical Association, Inc., ken Gas Policy Development Project.
