LAOAG CITY – Apagapaman a ngimmato iti 4.9% unemployment rate wenno katukad ti 2.59 million nga indibidual ti nairekord nga awanan ti trabaho wenno negosio iti pagilian idi Hunio 2026 basar iti Philippine Statistics Authority (PSA).
Nangatngato daytoy maidasig iti 4.8% unemployment rate wenno katukad ti2.50 million nga indibidual nga awanan ti trabaho idi Mayo 2026 ken 3.7% unemployment rate wenno 1.95 million nga indibidual nga awanan ti trabaho wenno negosio idi Hunio 2025.
Basar iti Philippine Statistics Authority, ti services sector ti addaan ti kadakkelan a paset ti labor force nga addaan ti 62.7% ti total employment a sinaruno ti agriculture sector nga addaan ti 20% ken industry sector nga addaan ti 17.3%.
Kabayatanna, nakalap ti nasao a datos iti uneg ti 18 nga aldaw, manipud Hunio 8 agingga Hunio 27 iti agdama a tawen.
