Kalikagom ti United Nations a maimbestigaran ti mass grave a natakuatan kadagiti dua a kangrunaan nga ospital idiay Gaza a rinaut dagiti soldado ti Israel.
Segun iti pannakangiwat ti United Nations a ni Stephanie Dujarric, rumbeng a makastrek dagiti mapagtalkan nga imbestigador kadagita site ken mapalubosan nga agtrabaho a sitatalged iti Gaza tapno mai-report ti kinapudno mainaig iti daytoy.
Daytoy a panawagan ti United Nations ket kalpasan ti rakurak tn United Nations human rights chief Volker Türk a mabuteng daytoy iti pannakadadael ti Shifa medical center iti siudad ti Gaza ken Nasser Hospital iti akin-abagatan a siudad ti Khan Younis kasta met ti naipadamag a pannakaduktal iti mass graves iti aglawlaw ti pasilidad kalpasan a pimmanaw ti puersa ti Israel iti nsao a lugar.
Inpetteng ni Turk a krimen ti inggagara a panangpapatay kadagiti sibilian, balud ken dadduma pay.
Inawagan ti United States State Department spokesperson a ni Vedant Patel a makariribuk dagiti naipadamag a mass graves kadagiti ospital ken kunana a nagkiddaw dagiti opisial ti Amerika iti impormasion manipud iti gobierno ti Israel.
Kabayatanna, inlawlawag ti militar ti Israel a nakali i puersa da dagiti bangkay dagiti Palestinians a naitabon kas paset ti panagbirokda kadagiti bangkay dagiti hostage ti Hamas idi rimmaot idi Oktubre 7.
Ummuna iti daytoy, inbatad ni Palestinian civil defense idiay Gaza a natakuatanda ti 283 a bangkay manipud iti temporaryo a burial ground iti uneg ti main hospital idiay Khan Younis nga inpasdek dagiti puersa ti Israel idi kinubkob ti pasilidad idi napan a bulan.
