LAOAG CITY – Kalikagum ti United Nations nga agtugaw ti kaunaan a babai kas Secretary General kalpasan ti 80 a tawen.
Daytoy ket kalpasan iti uneg ti walo a dekada a pakasaritaan ket saan pay a pulos a naaddaan ti United Nations ti babai a nagserbi kas Secretary General.
Gapu iti daytoy, kitkitaen dagiti sumagmamano a world leaders ti maipanggep iti gender inequality iti kangatoan a lebel ti global diplomacy.
Mainaig iti daytoy, gapu ta mailippas ni Secretary-General Antonio Guterres ti maikadua a lima a tawen a terminona inton ngudo ti 2026, sumagmamano iti tinawen nga United Nations General Assembly ita a lawas ti naiget a pananggutigotda iti maysa a babai a mangala iti nasao nga akem.
Inbatad ni Alar Karis, Presidente ti Estonia a panawenen tapno mapili ti maysa a babai kas Secretary General ti United Nations.
Inlawlawagna a kasapulanda ti ambitious selection criteria, nalawag a timeline ken panangipasigurado ti dakdakkel a role para iti General Assembly.
Naammoan a dagiti siam a nangangato a puesto ket iggem dagiti agpapada a lallaki.
