LAOAG CITY – Kinondenar ti United Nations ti inaramid nga airstrikes ti Estados Unidos iti nuclear facility ti Iran.
Inbatad ni United Nations Secretary General Antonio Guteres a sipod pay idi ket agtultuloy ti panawaganna a nasken nga agsarita ti aniaman a problema iti nagbaetan ti Iran ken Israel.
Inlawlawagna a manamnama nga agibales ti Iran iti Estados Unidos ken iti Israel a mangitunda ti nakaro a riribuk.
Immunan nga inpannakkel ni United States President Donald Trump ti inwayatda nga airstrike iti nuclear facility ti Iran.
Naammoan a ti nasao a desision ket gapu iti panangkarit ti Iran iti Estados Unidos.
Kabayatanna, gapu iti napasamak ket nasken a makisaritan ti Iran iti Estados Unidos.
