LAOAG CITY – Naglikudan da SFO1 Charlie Balanay Simisim ken SFO1 Victor Apostol Caise a naginom da ti nasanger iti Finance Section ti BFP-Laoag kabayatan a nakaduty da.
Daytoy ti kinumpirmaran ni Fire Chief Inspector Roxanne Parado, Fire Marshall iti BFP-Laoag basar iti inpasa da Simisim ken Caise nga explanation letter da seknan iti nasao a pasamak.
Segun kenni Parado, ipetpetteng dagiti dua a sinet-up na isuda no sadinno a maipagrop nga inkabil ti fire marshall ti bote ti gin ken inalaan na dagitoy ti ladawan ken pinagpammarang na nga agin-inom dagitoy.
Malaksid iti daytoy, nakalanad pay iti explanation letter dagiti dua a pinagsawsaw-an ni Parado isuda, adda ti nakabkabil ken ti motibo ti panagset-up ket ti maipagarop a gura na kadakuada.
Nupay kasta, kuna ni Parado nga ammo dagiti dadduma a BFP personnels a nakaduty ti pudno a napasamak ken nakasaganan dagitoy nga agbalin a testigo mainaig iti daytoy.
Inlawlawag ni Parado a naipila nan ti kaso kriminal ken ti kaso administratibo kontra kada Simisim ken Caise, kasta met nga adda pay dagiti sangwen da a kas o kas iti grave misconduct no mapaneknekan a pudno ti panaginom da iti uneg ti istasyon da.
Mainaig iti daytoy, kuna ni Parado a nagpositibo da Simisim ken liquor test.
Kabayatanna, inadmitir ni Parado nga idi adda da iti ospital ket nagbuteng iti panagkitkita ni Simisim, ken kageddan iti daytoy ket inimpormaran na ti asawa na a ni Police Major Paul Benedict Parado iti INPPO.
