LAOAG CITY – Addan ti manamnama a mapilaan ti kaso a pammapatay mainaig iti pannakapapatay ni Juvilyn Bardiaga, agtawen ti 26, asst manager ti dakkel a groserya iti ili ti San Nicolas ken taga Santiago, Isabela.
Daytoy ti kinumpirmaran ni Provincial Director Pol. Col. Cesar Pasiwen iti INPPO.
Segun kenni Pasiwen, addan ti pakabigbigan ti rumrumwar ita a suspek iti nasao a krimen.
Nupay kasta, nagkedked pay laeng ni Pasiwen nga ibuksilan iti publiko ti katatao ti suspek.
Kunana nga ita nga aldaw ket adda ti maiyuswat a press conference babaen ti PNP-San Nicolas tapno maipakaamo iti publiko no siasinno ti suspek.
Ummunan a rimwar iti inisyal nga imbestigasyon ti PNP a katrabahoan met laeng ni Bardiaga ti nasao a suspek.
