LAOAG CITY – Kinumpirmaran ti Benguet Police Provincial Office a naipadalanen iti autopsy ti bangkay ni dati a DPWH Undersecretary Maria Catalina Cabral.
Ummuna iti dayto, nagkedked ti pamilya ni dati a Department of Public Works and Highways Undersecretary Maria Catalina Cabral ti kalikagom dagiti otoridad a maipadalan iti autopsy ti bangkay na.
Agpada nga inbilin ti Department of Justice ken ti Department of the Interior and Local Government iti National Bureau of Investigation ken Philippine National Police a mangiyuswat ti autopsy.
Inmandar pay ti Department of the Interior and Local Government ti DNA test tapno madeterminar ti bangkay.
Nupay kasta, inbatad ti asawa ni Cabral a ni Cesar a nabigbig da kadagiti annak da ti bagi ti dati nga opisyal.
Kalikagom ti pamilya a maiyawid ti bangkay nangruna ket umasideg ti paskua.
Patien ti pamilya ni Cabral nga aksidente ti pannakatay ti dati nga opisyal ken awan ti foul play iti napasamak ngem saan a kastoy ti pammati ita dagiti otoridad.
