LAOAG CITY – Kinumpirmaran ni Police Lt. Carlo Rabago, chief of police ti PNP-Burgos nga adda ti narekobre da a paltog iti napasamakan ti desgrasya iti Barangay Ablan iti nasao nga ili a nakatayan ti maysa a construction worker a nakamotorsiklo.
Segun kenni Rabago, inpaberipikar da iti Camp Crame ti nasao a paltog tapno maamoan no adda ti lisensya na daytoy wenno awan.
Ummuna iti daytoy, dimmanon ditoy Bombo Radyo Laoag a ti paltog ket maipagarop nga adda ti nakapidot ngem saan pay a nakumpirmaran.
Inbatad na a saan na met a makumpirmaran pay no siasinno ti akin-kukua ti paltog.
Iti agdama ket manarimaan ti naun-uneg nga imbestigasyon da iti nasao a pasamak.
