LAOAG CITY – Kinumpirmaran ni Police Senior Inspector Grandeur Tangonan, ti chief of police iti ili ti Paoay a naka-ospital arrest ni dati a Mayor Dolores Clemente iti Mariano Marcos Memorial Hospital and Medical Center iti ciudad ti Batac.
Daytoy ket gapu ta ngimmato ti blood pressure na kalpasan a natiliw bayat ti pannakaiyuswat ti search warrant operations ti balay da a nakaalaan dagiti otoridad ti agkakangato ti kalibre na a paltog.
Inbatad ni Tangonan nga ipila da babaen ti inquest proceeding ti kaso a panaglabsing ti Republic Act 10591 kontra ti dati a mayor.
Kuna ti hepe ti ili ti Paoay, malaksid ken ni Clemente ket pilaan da pay ti kaso ti maysa a bodyguard ken maysa a security guard ti dati a mayor.
Nupay kasta, nagkedked ni Tangonan a nangbigbig kadagiti maseknan gapu ta manarimaan pay laeng ti imbestigasyon tapno maamoan no adda pay dagiti nasken a pilaan da ti reklamo kadagiti kakadwa ni Clemente.
