LAOAG CITY – Nag-waiver ti driver ti truck a nakapandag iti kurung-kurong iti paset ti Barangay 23, Sta. Cecilia iti ili ti San Nicolas a nakatayan ti tallo nga indibidual.
Daytoy ti inbatad ni Police Major Eduardo Santos, ti chief of police iti ili ti San Nicolas.
Segun ken ni Santos, kalikagom ti driver ti truck ti makiareglo iti pamilya dagiti biktima isut gapuna a gagem ti panag-waiver na a saanen a dumanun iti korte ti kaso.
Nupay kasta, inpakaammo ni Santos a maysa kadagiti pamilya dagiti biktima ket saanda a kayat ti makiareglo.
Maipalagip nga agpada nga aggapu iti ili ti Sarrat dagiti dua a lugan no sadino a nag-flasher lights ti kurong-kurong nga agpakannawan tapno mangan iti carinderia nga asideg iti nakapasamakan ti lugar.
Kuna ni Santos a napukawan iti kontrol ti manibela ti driver ti dump truck a nagkarga ti darat agingga a napan iti sabali a linya ti kalsada a nangitunda ti pannakatulidna ken pannakapandag kadagiti biktima.
