LAOAG CITY – Mamati ti Department of Education (DepEd) nga umabot agingga iti 26 a milyon agingga 28 a milyon nga agad-adal ti manamnama a sumrek ita nga School Year 2026-2027.
Inbatad ni Assistant Secretary Jocelyn Andaya nga adda ti umdas a teaching ken non-teaching personnel iti public elementary ken secondary schools para iti nasao a bilang dagiti estudiante.
Adda ti sumagmamano a pagadalan a kurang dagiti mangisursuro idinto a dagiti dadduma ket nasursurok pay.
Basar iti teacher-to-student ratio ket adda ti maysa a mangisursuro iti kada 35 nga agad-adal iti elementaria idinto nga iti sekondaria ket adda ti maysa a mangisursuro iti kada 45 nga estudiante.
Naammoan a ti classroom ratio ket adda ti maysa iti kada 32 nga agad-adal iti elementaria; maysa a classroom iti kada 39 iti junior highschool ken maysa iti kada 36 para iti senior high school.
