LAOAG CITY – Naglikudan ni Barangay Chairman Joseph Salvador iti Barangay Sucsuquen iti ili ti Piddig nga awan ti kinapudno na dagiti alegasyon ni Mrs. Gloria Delarmente nga inpalubos na a maited iti nagpabigbig a kabagyan ti agtagikua iti pagtaengan a pagnanaedan da.
Inbatad na a binagaan na ti agnagan ti “Eric” a saan da a gasgastosen ti kwarta a para iti mismo a balay gapo ta agtulag dan to pay laeng iti kabagyan gappo ta isu met ti naidanon kenkuana.
Segun kenni Salvador, nagsango ni Delarmente ken ti nagpabigbig a kabagyan ti agtagikua iti pagtaengan, iti barangay hall iti imatang a mismo ti kapitan ken ti treasurer.
Inlawlawag na a ti inbaga ti nagpabigbig a kabagyan ket usaren ti kwarta a pagpatarimaan da met laeng iti balay isut gapo na nga awan ti kinapudno na ti rakurak ni Delarmente a mismo a ti kapitan ti nangibaga nga ited na laengen ti kwarta.
Mainaig iti daytoy, inpetteng na a dinakamat na kadagiti maseknan a saan da a kayat ti agiggem ti kwarta wenno ti tulong pinansyal a para kadagiti kabarangayan na.
Kabayatanna, nasakit ti nakem ti kapitan gapo ta arig a naperdi ti nagan na iti awan met ti kinapudno na nga alegasyon.
