LAOAG CITY – Maipila ita nga aldaw ti reklamo a panagsalungasing ti Anti-Cattle Rustling kontra ken ni Mr. Leonard Balila y Corpuz, agtawen ti 41, naasawaan ken residente ti Barangay Nalasin iti ili ti Solsona kalpasan a nagtakaw ti baka.
Daytoy ti inbatad ni Police Corporal Leomar Yanguas iti nasao nga ili.
Immuna iti daytoy, naduktalan ni Ricarte De los Reyes Jr y Raymundo 47, naasawaan ken residente iti barangay Darasdas iti nadakamat met laeng nga ili a takaw ti nailako kenkuana a baka.
Naamoan na daytoy kalpasan a nakita dagiti kabagyan ti agtagikua ti baka a ni Jiliana Pascual y Barangan, agtawen ti 75, balo ken residente metlaeng iti nadakamat a barangay.
Kuna ni delos Reyes nga inlako ti suspek ti baka iti 18 a ribo a pisos.
Naipakaamo a nagpukaw ti baka ni Barangan idi Enero 28 ita a tawen.
Naisubli met laeng ti baka ni Pascual kalpasan a nagsasarita dagitoy ngem mapilaan latta ti reklamo ti nasao a suspek.
