LAOAG CITY – Maysa a Chinese crude oil supertanker nga Yuan Hua Hu ti naipadamag a rimmuar ti Gulf region a mangipakpakita ti maysa a naisangsangayan a panaglayag iti Strait of Hormuz basar iti ship-tracking monitors.
Basar iti ship-tracking data, dumaldalyasat ti supertanker iti nasao a nailet ken sensitibo a pagnaan ti langis.
Basar kadagiti report, dimmalyasat ti barko iti asideg ti Lark Island ti Iran iti daya a paset ti strait kabayatan nga agturong iti abagatan a direksion daytoy a rummuar ti Hormuz.
Ti Strait of Hormuz ket maibilang a maysa kadagiti kapapatgan a pangalaan ti langis iti lubong isu nga aniaman a garaw ti dadakkel a tanker iti lugar ket naiget a banbantayan gapu iti kumarkaro a tension iti rehion.
