LAOAG CITY – Inbatad ni Police Major Vencioly Luzano, ti chief of police ti PNP-Pasuquin a non-explosive ken awan ti karga na nga iligal a kontrabando ti banag a nakita dagiti mangalap iti Barangay Davila iti nasao nga ili.
Segun kenni Luzano, daytoy ti resulta iti ti inisyal a physical examination iti Provincial Explosive and Detection Unit iti Ilocos Norte Police Provincial Office (INPPO).
Inlawlawag na nga itay bigat ket napan dagiti pannakabagi ti Philippine Navy ken Philippine Airforce tapno ma-assess ken makita ti mapapati nga underwarter surveillance equipment.
Kalpasan daytoy, inreport dagitoy nga adda ti naka-tape iti nasao a banag a Chinese character partikular kadagiti waya daytoy.
Patyen met dagitoy a ti nasoa a banag ket military hardware ken ti nagibasaran da ket amin a civilian underwater surveillance equipment ket adda ti marka na ket sabali ti kolor na.
Iti agdama, manarimaan met ti koordinasyon ti INPPO iti national headquarters para iti pannakaipima ti nasao a mapapati nga underwarter surveillance equipment para iti naan-anay pay nga eksaminasyon.
Maipalagip a nakita agiti mangalap ti nasao a banag ken inpakammo da iti PNP, ken daytoy met ti damo a makakita da ti kastoy a banag.
