LAOAG CITY – Pimmusay bayat a maag-agasan iti Mariano Marcos Memorial Hospital and Medical Center idiay ciudad ti Batac ti maysa kadagiti nasugatan iti napasamak a desgrasya a ni Aristotle Balilea y Semana iti paset ti Barangay Saud iti ili ti Badoc.
Immuna a naideklara a died on the spot da Sherwin Pagatpatan, residente iti Barangay Madupayas, Badoc ken ni Scarlet Vergara, residente met iti Barangay Morong iti nasao met laeng nga ili.
Kabayatanna, nagtalinaed met nga awan ti poot ti kadwa da Pagatpatan ken Balilea a ti agnagan ti Martin ken maag-agasan met ti asawa ni Scarlet Vergara a ni Michael Vergara.
Iti imbestigasyon dagiti otoridad, kadwa ni Pagatpatan da Balilea ken agnagan ti Martin a nakalugan ti TMX ken kadwa met ni Vergara ti asawa na a ni Michael Vergara a nakalugan met laeng ti motorsiklo.
Naamoan a bayat nga agpadaya a direksyon da Pagatpatan iti kurbaan a paset ti kalsada ken nakadinnungpar da ti nagluganan ti agasawa a Vergara.
Rumrumuar nga immagaw ti linya ti TMX a nagluganan da Pagatpatan a rason ti panagdinnungpar ti dua a motorsiklo.
