LAOAG CITY – Agtalinaed a mapukpukaw ti nasurok 900 nga indibidual indinto a 359 met ti natay gapu iti nakaro a flash flood ken mudslide iti Nepal-Tibet border.
Inbatad dagiti otoridad a marigatan dagitoy iti panag-rescue gapu iti kinangato ti danom a rason nga awan ti pag-landing-an dagiti helicopters iti paset ti Syapru Besi ken Timure iti kabanbantayan a distrito ti Rasuwa iti nasao a pagilian.
Daytoy ket kasaruno ti report a dinosdosena nga amerikano ken Canadians ti karaman a mapukpukaw kasta payen ti maysa a Filipino.
Kabayatanna, imbilin met ni Nepali Prime Minister Balendra Shah dagiti umili nga adda iti nababa a paset ti pagilian nga agibakwit iti nataltalged a lugar.
