LAOAG CITY – Ikarkarigatan dagiti bombero a lapdan ti ad-adda a panagwaras ti wildfires iti asideg ti ciudad ti Bordeaux idiay France.
Iti agdama ket umaboten iti nasurok a 330,000 a tattao ti naibakwit gapu iti wildfires iti France ken Spain.
Maipalagip a nangrugi ti uram kadagiti kabanbantayan iti intero nga Europa iti napalabas a lawas, kangrunaan na iti France ken Spain a nakaibakwitan ti rinibo a tattao.
Basar iti report, ti France ti kangrunaan a naapektaran no sadinno nga umaboten iti 42,000 nga ektarya ti nauram, ke daytoy ti maibilang a kadakkelan a forest fires sipud idi World War Two.
Inbatad ni Captain Nicolas Braz, maysa kadagiti lider ti firefighting operation, ti uram ket nangpataud kadagiti bukod na nga angin ken alipugpog no sadinno a daytoy ket “erratic ken unmanageable”.
Iti Gironde region, karaman kadagiti mangipatpatungpal ti panagrescue ket ti 2,500 a firefighters, karaman ti Swiss team, 1,500 a military personnel ken agarop 1,200 a pulis ken gendarmes.
