LAOAG CITY – Kinumpirmaran ni Dr. Elizer Asuncion, Chief of Hospital ti Laoag City General Hospital (LCGH) ditoy ciudad ti Laoag nga in-inoten a maiprosproseso da dagiti dokumento a mausar tapnu makasingir da iti Philhealth.
Maipalagip nga adda ti utang ti philhealth a 20 milyon a pisos iti LCGH idi tawen 2018.
Nupay kasta, iti laeng kallabes ket nagpauna ti Philhealth ti 600 a ribo a pisos ken ita laeng a lawas ket ninayunan da ti 700 ribo a pisos.
Impasigurado ti opisyal nga itultuloy da ti mangiproseso dagiti dokumento tapno masingir da amin nga utang ti nasao nga ahensya.
