LAOAG CITY – Agtultuloy ti imbestigasyon ti Philippine National Police iti ciudad ti Batac mainaig iti nagsasaruno a bomb threat iti Mariano Marcos State University.
Daytoy ti inbatad ni Police Lt. Col. Gerome Wangkey, ti chief of police iti ciudad ti Batac.
Segun ken ni Wangkey, kadagiti bomb threat iti napalabas a tawen ket adda ti persons of interest da a mabalin a pilaan da ti kaso.
Nupay kasta, kuna na nga awan pay ti maestablisar da a motibo dagiti maipatpatulod a bomb threat iti nasao nga unibersidad.
Innayon na a no addan ton ti maestablisar da a motibo ket isunto paylaeng ti pannakaipaay da ti naan-anay a detalye no siasinno dagiti pudno nga adda iti likudan dagiti nasao a pasamak.
Naamoan a sipud idi 2024 ket addan ti innem a bomb threat a naawat ti Mariano Marcos State University.
