LAOAG CITY – Napilaanen ti kaso a panaglabsing ti Republic Act 9165 wenno Comprehensive Dangerous Drugs Act Of 2022 ni Mr Joey Benavidez, agtawen ti 40, naasawaan, ken residente iti Brgy. Poblacion iti ili ti Nueva Era.
Daytoy ti inpakaammo ni Police Capt. William Sotelo, ti chief of police iti ili ti Nueva Era.
Segun kenni Sotelo, nagnegatibo ti resulta ti drug test ni Benvidez ngem nagpositibo dagiti illegal a droga wenno shabu a nakumpiskar manipod kenkuana.
Maipalagip a natiliw ni Benavidez babaen ti Anti-llegal Drug Buy-bust Operation nga inyuswat ti Philippine National Police iti nasao nga ili iti kallabes.
Nakumpiskar dagiti otoridad ti 4 nga small heat sealed transparent plastic sachet a naglaon ti maipagarop a shabu ken ti sangaribo a pisos a nausar iti operasyon.
Ti suspect ket maibilang kas street level individual iti drug watch list iti Philippine National Police iti ili ti Nueva Era.
