LAOAG CITY – Kinumpirmaran ni Ms. Susan Gagarin, mangidadaulo ti Land Transportation Office ditoy siudad ti Laoag a saan a nakarehistro iti opisinada ti SUV nga iligal a nag-U Turn iti Gilbert Bridge.
Daytoy ket kalpasan nga inpaberipikar kadakuada ti Laoag City Police Station – Traffic Division ti nasao nga SUV.
Inbatad ni Gagarin nga agkiddawda ti tulong iti higher office ti Land Transportation Office tapno maduktalan no asino ti akinkukua ken driver ti SUV.
Maipalagip a dandani a nangitunda ti desgrasia ti kellaat a panag-U Turn ti SUV iti Gilbert Bridge ditoy siudad ti Laoag.
Immuna iti daytoy, naiget a kinondenar ni Mr. Rolando Bonao, maysa a tricycle driver ditoy siudad iti nasao a napamasak.
