LAOAG CITY – Naglikudan ni Capt. Kerwin Collado, ti pannakangiwat ti 4th Marine Brigade a nakabase iti ili ti Burgos nga isuna ti adda it likudan ti naipatulod a bomb threat iti Mariano Marcos State University.
Inlawlawag na a basar iti nausar nga account iti pannakaipatulod ti bomb threat ket kaar-aramid laeng tapno mangbutbuteng.
Kuna na pay a no ti pagibasaran ti ket profile ti account ket adayo nga isunda daytoy.
Inrakurak ni Capt. Collado nga inpa-trace dan ti nasao nga account ken nagaramid da payen ti report nga insumitir da iti Higher Office da.
Innayon na a naaddaan da metten ti dayalogo iti Mariano Marcos State University ken inpasigurado na a saan nga isuna ti nagipatulod ti bomb threat ken saanna a mandato ti mangbutbuteng kadagiti tattao.
Kabayatanna, inpakaammo ni Capt. Collado a mangiyus-uswat da ti bukod nga imbestigasyon tapno maamoan ti pudno nga adda iti likudan ti bomb threat iti nadakamat nga unibersidad.
