LAOAG CITY – Nagballigi dagiti kameng ti PNP-CIDG a nangtiliw kadagiti uppat a construction workers gapu iti illegal a panagsusugal da iti mismo a patpatakderen da a pasdek iti Barangay 54-A, Lagui-Sail ditoy ciudad ti Laoag.
Daytoy ti inbatad ni Police Major Romnick Subia, ti mangidadaulo ti PNP-CIDG ditoy probinsya.
Inlawlawag ni Subia a dagiti natiliw a construction workers ket residente da iti ili ti Badoc ken ili ti Pinili.
Kuna na a nakumpiskar da iti lugar ti 1,650 a pisos, uppat a tugaw, lamisaan ken maysa a set ti baraha.
Iti agdama, nagtalinaed dagiti suspek iti kustodyar ti PNP-CIDG ken manamnama nga intono bigat ket mapilaan da babaen iti inquest iti reklamo a panaglabsing iti Presidential Decree (PD) 1602 wenno illegal a panagsusugal.
