LAOAG CITY – Natiliw dagiti uppat a lallaki babaen ti bileg ti warrant of arrest iti Brgy. 17 iti ili ti Vintar.
Nabigbig dagiti natiliw nga isuda Jonathan Padaca, agtawen ti 31; Jay-Ar Agtarap, agtawen ti 32, mannalon; Bryan Gapuzan, agtawen ti 31, kenni Freddie Gamiao, agtawen ti 36 agpapada a residente iti nasao a barangay.
Nagsalungasing dagiti uppat a lallaki iti PD 1602 wenno Anti-Illegal Gambling Law ken nairekomendar a makapagpiyansa da iti 30 a ribo a pisos iti tunggal maysa.
Nagtalinaed da iti kustudyar ti PNP Vintar sakbay a maipima da iti korte a naggapuan ti warrant of arrest.
