LAOAG CITY – Kinumpirmaran ni Police Captain Joseph Tayaban, hepe ti PNP Badoc nga adda manen dagiti uppat a tattao a natiliw gapu iti panangipresentar da ti peke nga antigen test result.
Kuna na adagitoy ket agpapada a naggapu iti Pampanga ken agturong kuma dagitoy iti ili ti Pasuquin.
Segun kenni Tayaban, agimontar kuma dagiti maseknan ti aluminum glass iti Brgy. Sapat iti nasao nga ili partikular iti Airforce.
Inbatad na a pinilaan da ti panaglabsing iti Article 174 ti revised penal code.
Inbunannag ni Tayaban a ti napeke a dokumento ket ti ipapaay ti gobyerno probinsyal no sadinno a napeke ti pirma ti doktor ken ti medical technologist.
Innayon na a dagus a naripar da a peke ti antigen test result, naiscan ken awanan iti stamp mark.
Possible nga agpiyansa dagiti maseknan bayat a nagtalinaed da iti kuerpo ti pulisya iti ili ti Badoc.
