LAOAG CITY – Kinumpirmaran ti Israel Defence Forces ti ipupusay dagiti uppat a hostage ti Hamas idiay Gaza.
Segun iti Israel Defence Forces, nakasaritadan dagiti pamilia dagiti biktima a da Chaim Peri, Yoram Metzger, Amiram Cooper, ken Nadav Popplewell.
Maipalagip a nagbalin nga hostage dagiti biktima kalpasan a rinaut ti militante a grupo ti Hamas ti Gaza Strip idi Oktubre 7, 2023.
Innayon ti Israel Defence Forces a ti desision a mangideklara a natay dagiti uppat a hostage ket naibasar iti intelligence group ken pinasingkedan ti Ministry of Health expert committee a nakitinnulong iti Ministry of Religious Services ken ti Chief Rabbi ti Israel.
Iti agdama ket agtultuloy pay laeng ti imbestigasyon ti Israel Defence Forces iti rason ti ipupusayda.
