LAOAG CITY – Natiliw dagiti uppat a tattao kalpasan a naaktuan da nga agsusugal ti makunkuna nga “forty one” iti Brgy. 2 San Agustin iti ili a Sarrat.
Saanen a binigbig ni Police Chief Insp. Roldan Suitos, hepe ti PNP Sarrat dagiti dua a menor de edad a karaman kadagiti natiliw.
Kuna na nga insegida a naipaima dagiti dua a menor de edad nga agtawen ti 16 ken agtawen ti 17 kadagiti kameng ti DSWD idinto a dagiti dua nga adda iti umno nga edad ket nagtalinaed iti kustudyar tu PNP Sarrat.
Nakumpiskar ti maysa a set ti baraha, lamisaan 245 a pisos a bet money.
Innayon ni Suitos nga kanayun nga agsusugal dagiti maseknan iti maysa a balay iti nasao a barangay.
