LAOAG CITY – Natiliw dagiti uppat a lallaki iti naiysuwat a drug buy bust operation iti paset ti Barangay Buyon idiay ili ti Bacarra babaen ti koordinasyon na tii PNP-Laoag.
Nabigbig dagitoy a da Joshua Cacaloan, 20; Richard Paul Destichado, 24, agpada a residente iti Brgy 2 ditoy ciudad ti Laoag; Michael John Linio, 22, residente iti Brgy 6 ditoy ciudad ken ni Michael Angelo Palma, residente iti Brgy 1, Laoag City.
Naamoan a dagiti nakataray ket da Bren Fermin “alyas Gudo” ken intugot na ti buy bust money a nausar iti operasyon ken ni Cesar Aguinaldo Jr. residente iti Brgy 7 ditoy ciudad ti Laoag.
Nakumpiskar dagiti otoridad ti bag a kukua ni Cacaloan a naglaon ti dua nga ice bag nga addaan ti maipagarop a marijuana ken tallo a sachet a naglaon ti maipagarop a marijuana.
Basar ti report, maipagarop a nadlaw ni Fermin a pulis dagiti katransaksyon da isut gapo na a dagus a naglibas karaman ni Aguinaldo.
Manamnama met a maipilaan dagiti maseknan ti panaglabsing iti Republic Act 9165.
