LAOAG CITY – Nalapdan ti US destroyer ti dua nga oil tankers a nanggadat a rumuar iti Iran, maysa nga aldaw kalpasan a nagbalin ng epektibo ti blockade ti US military.
Mainaig iti daytoy, napilitan ti oil tankers nga agsubli.
Pimmanaw daytoy manipod iti Chabahar port iti Gulf of Oman ngem nagradyo kadakuada ti US warship tapno agsubli.
Basar iti maysa nga US official, ti dua a tankers ket karaman kadagiti innem a merchant vessels, nga immunan nga inrakurak ti US Central Command a nagsubli iti Iranian port iti Gulf of Oman.
Segun pay iti US military, awan ti barko a nakadalyasat iti blockade sipud nagbalin nga epektibo daytoy idi Lunes.
Immunan nga inlawlawag ti US military a suportaran da ati nawaya a panaglayag dagiti barko a dumalyasat iti Strait of Hormuz, agingga a saan nga aggapo wenno agturong dagitoy iti Iran.
