LAOAG CITY – Manamnama nga iwaragawag ti Estados Unidos ken Saudi Arabia ti katulagan a mangipalubos iti Gulf kingdom a mangbukel ti civilian nuclear programme.
Ti pannakaiwaragawag ti nasao nga addang ket namnamaen nga ipatungpal a mismo ni US President Donald Trump.
Basar iti report, ti nasao a katulagan ket possible nga agbalor ti binilyon a dolyar no sadinno a karaman kadagiti pakausaran na ket ti pannakaipatakder ti pasilidad tapno agpataud ti nabaknang nga uranium, a mabalin nga usaren kas fuel para iti power plants ken pagaramidan ti nuclear bombs.
