LAOAG CITY – Kinumpirmaran ni US President Donald Trump a mangipatulod ti Amerika ti Patriot air defense systems iti Ukraine.
Daytoy ket nayun a tulong para iti agtultuloy a pannakilablaban ti Ukraine kontra iti invasion ti Russia.
Saan met a dinakamat ni Trump ti bilang ti ipatulod ti Amerika a Patriots ngem inpasigurado na ti pannakaipaay dagiti nasao nga air defense system a patienna a kasapulan ti Ukraine para iti proteksiyon da.
Inpakaammo ni Trump a ti pannakaideliber ti nasao nga armas ket paset ti baro a katulagan no sadinno a karaman ti North Atlantic Treaty Organization (NATO) iti agbayad iti Estados Unidos para iti sumagmamano nga armas a maipatulod iti Ukraine.
Ti Patriot system ket epektibo nga air defense system kontra iti tactical ballistic missiles.
