LAOAG CITY –Inbatad ni US Defense Secretary Pete Hegseth, a nakasagana ti Estados Unidos a mangirugi kadagiti baro a panangraut iti Iran no mapaay ti negosasion ti ceasefire agreement.
Daytoy ket iti baet ti agtultuloy a negosaion ti Washington ken Tehran a mangsolbar kadagiti kangrunaan a panagduduma a manglaplapped iti permanente a katulagan.
Innayon pay ni Hegseth a nupay naanus ni US President Donald Trump, kayatna a magun-od ti napigsa a katulagan a mangsigurado a saan a makagun-od ti Iran kadagiti nuclear weapons.
Kabayatanna, sakbay daytoy, nagtataripnong ni Trump ken dagiti top aides iti White House Situation Room tapno ikeddengda ti 60-aldaw a ceasefire extension iti Iran, ngem nagpatingga laeng dayta nga awan ti nalawag a katulagan.
