LAOAG CITY – Inkalintegan ti White House a saan nga isanod United States President Joe Biden iti kandidatura iti 2024 United States Presidential Election.
Daytoy ti pinasingkedan ti spokeswoman na kalpasan dagiti sayangguseng nga umatras ti Presidente kalpasan ti isyu na iti salun-at na.
Kuna ti White House press secretary Karine Jean-Pierre, nga itultuloy ni Biden ti kampanya na ken dagiti adbokasiya na.
Idi laeng kalman ket kinasarita ni Biden dagiti 23 a Democratic governors tapno masigurado ti pannangabakda.
Maipalagip nga apaman ti naiwayat a Presidential Debate da United State President Joe Biden ken dati a United State President Donald Trump ket naruay dagiti rimsua a sayanguseng kontra ken ni Biden.
