LAOAG CITY – Inpetteng ni United States President Joe Biden a saan a rumbeng kwestyonaren ni dati a Presidente Donald Trump ti hustisia gapu ta umiso laeng ti inaramid dagiti hurado.
Kinunana a naan-anay ti imbestigasion ti hues a nangtaming iti kaso isu a saan a maibaga a napagplanoan ti kaso ken ni Trump.
Inbatad ni Biden a rumbeng laeng a sanguen ti dati a presidente dagiti kaso a naidarum kenkuana.
Innayonna pay a nabayagen a nadalus ti imahe ti hustisia iti United States ken saan a pulos a narugitan iti aniaman nga anomalia.
