Inbatad ni US Preident Donald Trump a mannarimaan ti panagtrabahoda ti pagannurotan mainaig ti temporario a panagngato ti inflation gapu it rinnupak ti nagbaetan ti Estados Unidos ken Israel kontra Iran.
Daytoy ket gapu iti rinnupak a nangipaay ti nakaro a pannaka-dadael kangrunaan ti ekonomiya idiay Middle East, ken kageddan ti panagibales ti Tehran a puntiriana dagiti rehional nga ka-alyado ti Estados Unidos ken ti maipagarup a nanglapped ti panagdaliasat iti Strait of Hormuz.
Malaksid iti daytoy, maysa a rason ket ti panagsardeng ti shipping ti babaen ti Strait of Hormuz, a dakkel ti sakopna ti global oil ken gas traffic, isut gapuna ti panagngato ti presio ti enerhia.
Segun iti datos manipud ti AAA motor club, ngimmato iti agarup 51 a porsiento ti presio ti maysa a galon ti regular a gasolina idiay Estados Unidos manipud idi nangrugi ti gubat.
Kabayatanna, ti US Federal Reserve ket addaan iti napaut a dua a porsiento a target para iti panagbaba ti inflation, ngem dagiti agar-aramid iti pagannurotan ket saanda a nagun-od dayta a lebel iti nasurok a lima a tawen.
Segun kenkuana, ti inflation ket dimmanon iti nabiit pay a kangatuan a 9.1 a porsiento idi 2022.
