LAOAG CITY – Inanunsio ni United States President Donald Trump iti Truth Social post-na a maipagarup a nagkiddaw ti ceasefire ti Iran iti Estados Unidos ngem inpetteng ti Washington nga agtungpalda laeng no linukatanen ti Strait of Hormuz.
Nupay kasta, naiget a naglikudan ti Iran ti rakurak ni Trump.
Segun iti pannakangiwat ti Ministry of Foreign Affairs ti Iran, ti alegasion ti ceasefire request ket saan a pudno ken awan ti pagibasaran.
Maipalagip a ti baro a Supreme Leader ti Iran ket ni Mojtaba Khamenei kalpasan a pimmusay ti amana iti maysa nga airstrike iti napalabas a bulan idinto a ni Iranian President Masoud Pezeshkian ket agserserbi iti pagilian sipud idi Hulio 2024.
Innayon pay ni Trump nga isakripisio ti Estados Unidos ti ceasefire no ti Strait of Hormuz ket “open, free, and clear,” ngem iti agdama ket agtultuloy ti operasion kontra iti Iran.
