LAOAG CITY – Kinomprontar ni United States President Donald Trump ni South African President Cyril Ramaphosa.
Adda iti White House ti South African President tapno ilungalong ti napintas a langen-langenda ti Estados Unidos.
Iti naiyuswat a taripnong iti oval office ket inpakita ni Trump iti Presidente ti South Africa ti bidyu nga hate speech ken genocide kontra kadagiti white South African farmers.
Inakusaran ni Trump ni Ramaphosa nga al-alaenna dagiti daga dagiti white farmers ken kalpasanna ket papatayenda dagitoy.
Nagbalin a naalumanay met ti South African President no sadinno nga intudona dagiti minority out-of-government parties a maipagarup nga adda iti likudan ti nasao a bidyu.
Naammoan a saan a kas kapada ti inaramid a panagbisita idi ni Ukrainian President Volodymyr Zelensky iti White House ket nagbalin a naalumanay ita ti South African President.
