LAOAG CITY – Inbilin ni US President Donald Trump ti pannakaideportar ti ad-ado a migrants iti intero nga Amerika kabayatan ti agtultuloy a nadamsak ken nalawa a tignay protesta.
Iti post, nagpanawagan ni Trump iti federal agencies nga ipakat da amin a pannakabalin da tapno mangipaay ti mammaminsan a kadakkelan a mass deportation program iti pakasaritaan, kangrunaan na iti Los Angeles, Chicago ken New York.
Karaman dagiti nadakamat a ciudad a pakaiyus-uswatan ti
nalawa a tignay-protesta kontra kadagiti pannakaraot dagiti undocumented migrants sipud idi Hunyo 6 ita a tawen.
Iti agdama ket sumangsango ni Trump ti legal a karit ken kritisismo gapu iti nagbalin nga addang na iti maisaysayangkat a tignay-protest kangrunaan na ti panangideploy na kadagiti tropa ti goberno kadagiti nadakamat a lugar.
Kabayatanna, inkari ni President Trump a lapdan na ti siasinno man a mangdadael iti domestic tranquility ti Estados Unidos a sumrek iti pagilian.
