LAOAG CITY – Saan nga iwalin ni US President Donald Trump ti panagipatulod kadagiti soldado da iti Ukraine tapno maipatungpal ti aniaman a peace deal iti nagbaetan ti Russia ken Ukraine.
Segun ken ni Trump, trataren na ti nasao nga isyu kadwa na dagiti European leaders karaman ni United Kingdom Prime Minister Keir Starmer.
Kuna na nga agpada a makipaspaset ti Europa ken Estados Unidos iti panag-secure para iti post-war peace iti Ukraine.
No maipapan iti panangipaay ti security guarantees para iti Kyiv, inkari ni Trump a naruay a tulong ti maipaay para iti seguridad iti aniaman a post-war settlement ngem inpetteng na a ti Europa ti first line of defense, babaen ti tulong manipod iti Amerika.
Iti press briefing iti ruwar ti White House, kinumpirmaran ni Ukrainian President Volodomyr Zelensky nga indiayan na a gumatang ti $90 billion a balor ti armas iti Estados Unidos ngem kasapulan a mapagbalin nga umuna a pormal ti nasao a proposed deal kas paset ti security guarantees a napagsaritaan da ken ni Trump karaman dagiti European Union Leaders.
