LAOAG CITY – Tinagabassit laeng ni United States President Joe Biden dagiti reaksion iti nagbalin nga addangna iti kaliplippas a Presidential Debate-da ken ni dati a Presidente Donald Trump.
Kalpasan ti debate ket nangiyuswat ni Biden ken Vice President Kamala Harris ti Presidential Campaign idiay North Carolina.
Inadmitirna nupay nagbalin a nakapsot ti performance-na iti debate no sadino kimmapsot iti panagsarita ken panagpagna daytoy ket ammona a lippasen ti aniaman a trabaho kas maysa a Presidente.
Kabayatanna, saanna met a pinalabes a babalawen ni Trump no sadino mangngegan nga agpapada nga awan ti kinapudnona ti ibagbaga ti dati a Presidente.
