LAOAG CITY – Rimuar iti classified preliminary intelligence report ti Estados Unidos a napaay da a nagdadael ti nuclear capability ti Iran kalpasan a binomba da.
Nupay kasta, mabalin a maitantan laeng ti sumagmamano a bolan ti nuclear program ti Iran gapu iti panagatake, banag a maikontra met iti claim ni US President Donald Trump a nadadael daytoy.
Basar iti report nga inparuk-at ti Defense Intelligene Agency, naabbengan laeng ti strikes ti pagserkan iti dua a nuclear facilities ngem saan a napabagsak dagiti pasdek nga adda iti undergrounds.
Inpasigurado pay ti maysa nga indibidwala pamilyar iti intel report, nagtalinaed nga intact ti sumagmamano a centrifuges.
Kinumpirmaran met ni White House Secretary Karline Leavitt ti authenticity ti nasao nga assessment ngem kunana a possible a saan nga usto ken naklasipika met daytoy kas maysa a “top secret” ngem nag-leak paylaeng.
Inrakurak na a ti panag-leak ti nasao nga assessment ket maysa a nalawag a pananggandat tapno dadaelen ni Presidente Trump ken iyarig nga awan ti serbina ti kinatured dagiti fighter pilot a nangiyusway ti naimballigian a misyon tapno mawara ti nuclear program ti Iran.
Innayon na nga ammo ti amin iti oras nga ibagsak dagiti 14 a 30,000 pounds a bomba iti targets da ken daytoy ket “total obliteration” wenno naan-anay a madadael.
Kabayatanna, inpalgak met ti Iran Supreme Leader nga adda pay ti stocks ti pagilian da nga enriched uranium ken inpetteng na a saan pay a nalpas ti ay-ayam.
Maipalagip a nangrugi ti laban iti nagbaetan ti Iran ken Israel idi Hunyo 13, 2025, kalpasan a nangiyuswat ti Israel ti air strikes iti nuclear sites, ken top military bases ti Iran iti gagem a malapdan ti nuclear efforts da.
