LAOAG CITY – Ngimmato iti baro a record high ti utang ti gobierno ti Pilipinas idi katapusan ti tawen 2024 gapu iti panagkapsot ti ekonomia, basar iti datos nga inruar ti Bureau of the Treasury.
Ti nabatbati nga utang ti nailian a gobierno ket dumanon iti P16.5 trillion, ngimmato ti 9.8% wenno P1.44 trillion manipud iti P14.62 trillion idi katapusan ti tawen 2023.
Inbatad ti Treasury a ti binulan a panagngato iti stock ti utang ti gobierno ket mangipasimudaag iti net issuance ken availment ti domestic ken external debt.
Malaksid iti daytoy, pakairamanan pay ti revaluation effect ti peso depreciation kontra iti US dollar.
Naammoan a ti domestic debt ti pagilian ket dumanon iti P10.93 trillion, ngimmato ti 9.1% manipud iti P912.49 billion iti napalabas a tawen idi nangiparuk-at ti gobierno dagiti debt securities tapno mapangato daytoy.
