LAOAG CITY – Inbatad ti Bureau of Treasury a ti national debt ti pagilian ket dimmanonen ti sumurok P19 trillion iti June.
Daytoy ket gapu iti net borrowing manipud iti domestic ken foreign sources tapno mapundoan dagiti national development projects.
Segun iti Treasury a ti pakabuklan nga utang ti pagilian ket ngimmato iti P518.98 billion agingga P19.07 trillion no sadinno 2.8 a porsiento manipud iti P18.55 trillion a nairekord idi Mayo.
Basar ti ahensia a ti favourable exchange rates movements ket nangtulong a nangkontrol ti overall debt increase no sadinno ti Philippine peso ket ngimmato ti gatadna ti maysa nga United States dollar manipud P61.501 idi Mayo agingga P61.290 iti Hunyo.
Namentenar ti gobierno ti strategic borrowing preference for local funding tapno malimitar ti foreign exchange expousure no sadinno ti domestic obligations ket addaan 67.33 a porsiento iti total debt stock ken 32.67 a porsiento ti external borrowing accounting.
Addan ti dakkel a gatad a nabulod ti pagilian sipud idi napalpalabas a tawen tapno mapundoan ti imprastraktura ken social safety programs kabayatan ti lapped iti global economic.
Natawid iti adminstrasion ni Presidente Ferdinand Marcos Jr. sipud idi nagtugaw daytoy idi 2022 ti P12.79 trillion nga utang manipud iti administrasion ni dati a Presidente Rodrigo Duterte.
Daytoy ket nasursurok ngem doble ti P5.95 trillion nga utang a natawid met ni Duterte manipud iti administrasion ni dati Presidente Noynoy Aquino.
Basar kadagiti economic managers a saan a pakadanagan ti panagngato ti utang basta al-slisto nga ngumato ti ekonomia ngem ti utang.
Kabayatanna, ti Gross Domestic Product (GDP) ket kumapkapsot iti napalabas nga addo a gapu iti nabayag a panaggastos ti gobierno kabayatan ti dakkel a corruption scandal ken external economic shocks.
