LAOAG CITY – Nakaaramid ti pakasaritaan ti Team Pilipinas kalpasan a binurak ti national record iti mixed 4x400m relay ken immabante para iti podium finish ti 2026 Asian Games.
Nairekord da Naomi Kaylia Johnson, Micahel del Prado, Gabriel Borado ken Victoria Bossong ti oras a 3 minutes and 19.68 seconds (3:19.68) iti Round 1 Heat 1 iti Nagoya City Mizuho Park Atletic Stadium.
Gapu iti daytoy, nagun-od ti Pilipinas ti maikauppat a puesto iti heat-da ken ti maikadua a qualifying spots para iti finals.
Mainaig iti daytoy, indauloan iti heat ti Bahrain iti oras a 3:15.73, sinaruno ti Vietnam iti oras a 3:16.08 ken Japan iti oras a 3:16.52.
Kabayatanna, agsubli iti track ti Team Pilipinas para iti finals no sadinno makabinnalubalda ti Republic of Korea, Bahrain, China, Vietnam, India ken United Arab Emirates.
