LAOAG CITY – Temporaryo a naisardeng ti vaccination rollout a maiyus-uswat iti Divine Word College of Laoag gapu iti panagpositibo ti covid-19 virus ti maysa a doktor iti City Health Office (CHO) ditoy ciudad ti Laoag.
Daytoy ti inpakaammo ni Doctor Charito Malicad, ti City Information Officer ditoy ciudad.
Segun ken ni Malicad, ti saanen a nainaganan a doktor ket aktibo iti maiyus-uswat a vaccination rollout.
Kuna na pay a ti nasao a doktor ket kanayun ti panag-supervise na iti maiyus-uswat a panagbakuna kontra iti covid-19 tapno masigurado a naannayas ti pannakaipatungpal na.
Naamoan nga addan dagiti sumagmamano a naipadalan iti swab test a nakapulapol ti nasao a doktor ngem maiyur-uray pay laeng ti resulta na.
