LAOAG CITY – Saan a makipaset ti Vatican iti “Board of Peace” nga idadaulwan ni US President Donald Trump para iti pannakaiwanwan ken rekonstruksiyon ti Gaza.
Kinumpirmaran daytoy ni Vatican secretary of state Cardinal Pietro Parolin.
Inlawlawag ti Kardinal a saan a makipaset ti Holy See iti nasao a board gapu iti particular nature na.
Iti pannakasaludsud ti partisipasyon ti Italya kas observer iti Board of Peace, inbatad ni Cardinal Parolin nga adda ti sumagmamano a punto a nakakaskasdaaw ken adda ti sumagmamano a kritikal nga isyu a masapol a solbaren.
Maysa kadagiti nadakamat ni Cardinal Parolin ket masapol a no maipapan iti international level ket ti United Nation ti mangiwanwan kadagiti crisis situation.
Immuna iti daytoy, nasurok a 25 a pagilian ti nangirakurak a makipaset da iti Board of Peace ngem adda met ti sumagmamano a pagilian a nagkedkedan da ti imbitasyon ni Trump karaman ti New Zealand, United Kingdom, Germany ken France.
