LAOAG CITY – Inpetteng ti sumagmamano nga agpanpanday linteg iti Kamara de Representantes nga umdas iti substansia ti video a maipagarup a pangta iti panangpapatay tapno umuli ti maikapat a pagibasaran ti maikatlo nga impeachment complaint kontra ken ni Vice President Sara Duterte.
Iti panagdengngeg ti House Committee on Justice nga idadauluan ni Batangas Rep. Gerville “Jinky Bitrics” Luistro, naipabuya ti viral a video no sadinno a makita ti panangibilin ni Duterte iti panagpapatay no isuna ket matay.
Inbatad ni Mamamayang Liberal Party-list Rep. Leila de Lima, ti nasao a rakurak ket saan a simple a retorika no diket addaan ti nadagsen nga implikasion maipapan iti konstitusional.
Inpaganetget da Rep. Ysabel Maria Zamora, Rep. Zia Alonto Adiong ken Rep. Janice Degamo a ti panangdakamat iti panangala ti assassin ket nalawag a betrayal of public trust ken mabalin nga agtungpal iti aktual a kinaranggas.
Iti baet ti panagamak ni Rep. Jesus “Bong” Suntay mainaig iti nawaya a panagsarita ken kinakurang ti ebidensia ti aktual a katulagan, inpetteng ti kaadoan nga adda ti umanay a pagibasaran tapno ibilang nga impeachable offense ti nasao a rakurak ti Bise Presidente.
